Widerrufsrecht

Widrruafsbelehrong

Omergong: Dui do uffzehlde Gschäftsbedengonga dienad der zuasätzlicha Enformation en onsorm scheana Dialegd ohne oi Rechdsoerkennong. Do drbei deand mr ned neideisch "gendern" sondern schwätzed ella mid „Du" a. Des isch koi Disgreminierong, sondern mir hend oifach koi Luschd uff solche Hennafirz - d’Weldbevelkerong hot andre Broblem zom lösa.

Widrruafsrechd fiar Vrbrauchr

(1) Vrbrauchr, aber ned Ondernehmr, hen a gsetzlichs zwoiwöchigs Widrrrufsrechd. Dui Widrruafsbelehrong  gilt deshalb bloß fair Brivatpersona. Des Widerruafsrechd gilt -  au bei Bridvadpersona - Nddda bei Sonderardiggle, dui exdra fiar di baut worra sen.
(2) Fiar Sendonga an ons zrigg, wendesch de biddee an onsorn Kondadenschd mit dr Mailadress info@amb-elektrik.de. Do griagsch weidere Inschdruggtiona.
Bidde dua des Modorle emmer em original Kardo zrigschigga. Weder dui Kondagtufnahme mid em Kondadenschd no des Zrigschigga mid em Originalkardo send nedich zur wirgsama Ausiabong von deim Widrruafsrechd.

Enerhalb zwoi Wocha hosch des gsetzliche Rechd den Vertrag ohne and Grond zom widrrufa.
Dui Widrrufsfrisxchsd isch 14 Dag, ab dem Dag wo’s Päggle bei dir war.

Om dei Widrruafsrechd auszomiaba muasch ons

AMB-ELEKTRIK GmbH
Hechinger Straße 48
E-Mail: info@amb-elektrik.de
Telefon: 07476 / 87-0

mid ra oideidiga Erklärong (zom. Beischbiel an Briaf mit dr Boschd, odr an elegdronischa Briaf - a E-Mail) iabr dein Endschluss, den Verdrag zom widrruafa. Wend da wilsch, no derfsch des Muschdrformula nemma - du kosch abr au selbr was schreiba.

Miar beschdädigat den Eigang von deim Widrruaf mid emma e-Mail.

S’langd wenn dei Middeilong zom Ausiaba von deim Widrruafsrechd vor em Ablauf von dene zwoi Wocha abgschiggt ischd.

Folga von dem Widrruaf:

Wenda dein Vrdrag widrruafa duasch, demir dir elle Zahlonga, die zua dem Ufdrägle g’herad, oischließlich de Liefrkoschda, overziglich ond schbädeschdens zwoi Wocha ab dem Dag zriggzahla, an dem dui Middeilong iabr den Widrruaf von dem Vrdrag bei ons gmacht hosch. Fiar dui Zriggzahlong verwendad miar desselbe Zahlongsmiddel, wia des zahld hosch. Mir kenned abr dui Zriggzahlong vrweigra, bis mir dui Päggla widr zrigg hend odr du dr Nochweis erbrocht hoscht, das da des Päggle widr zrigg gschiggt hoscht. Je noch Sälichem was friar isch.

Du muasch dui Päggla ovrziglich ond en jedam Fall schbädesdens ennrhalb zwoi Wocha ab dem Dag, an dem’d ons iabr den Widrruaf onderrichted hosch, zriggsschigga odr an ons iabrgebba. Dui Frischd isch eighalda wenda des Päggle ennerhalb zwoi Wocha an ons abschiggsch. Dui Koschda fiars Zriggschigga muasch du ibrnemma. Wenn des Modorle nemme sauber fongdioniert muasch du bloss fiar den Werdverluschd uffkomma, wenda drmit scho gschafft hosch.

Schluss von dr Widrruafsbelehrong

MUSCHDR-WIDRRUAFSFORMULARLE

Wend des Vrdrägle widrruafa mechdsch, no duasch des Formular ausfilla ond an ons zriggschigga.
Des Formula fendasch ondr:
www.amb-elektrik.de/widerrufsformular (allerdengs nedda uff schwäbisch)