Versand ond Zahlongsbedingonga
Vrsand ond Zahlungsbedengonga | AMB-ELEKTRIK GMBH
Omergong: Dui do uffzehlde Gschäftsbedengonga dienad der zuasätzlicha Enformation en onsorm scheana Dialegd ohne oi Rechdsoerkennong. Do drbei deand mr ned neideisch "gendern" sondern schwätzed ella mid „Du" a. Des isch koi Disgreminierong, sondern mir hend oifach koi Luschd uff solche Hennafirz - d’Weldbevelkerong hot andre Broblem zom lösa.
1. Breis, Vrsandkoschda
Dr Versand von dene Päggla erfolgt ennerhalb Deitschland, dr Schweiz ond dr EU. Fiar elle andre Ländr muasch ofraga. Versandkoschda sen emmr zuaziaglich dr gesetzlicha Mehrwerdschdeier
Lieferonga ennerhalb Deitsdhlands:
S'gibt koin Mendeschdbeschellwerd.
Ab’ma Bschdellwerd von € 250,00 englusiv dr Mehrwerdschdeiere dendmor dui Päggla (bis 30 kg - ond des isch ganz sche schwer) ennerhalb Deitschland koschdalos verschigga. Em eirobäisdha Ausland missad se me als € 1.000 bschdella, no deand mr au do koschdalos verschigga.
Ansonschda deand mr dui Päggla ennerhalb Deitschland bis zomma Werd von € 50,00 zomma Pauschalbedrag von € 14,90 zuaziaglich dr Mehrwerdscheier, beim'a Werd von > € 50,00 bis € 100,00 isch der Pauschalbedrag € 10,90 zuaziaglich dr Mehrwerdscheier, ab amma Werd von € 100,00 isch der Pauschalbedrag € 5,50 zuaziaglich dr Mehrwerdscheier
Em europäischa Ausland werded dui Päggla bis 30 kg für pauschal € 19,90 neddo verschiggd.
No schwerare Päggla gebbad mr dr Schbedition. Dui Koschda von dene saget mir dir vorher.
Lieferfrischda
Mir versendad Päggla ennerhalb Deitschland middem DHL. Ennerhalb em eurobäischa Ausland middem DPD.
Soweid mer em Ogebod nix anders sagad gangad dui Päggla ennerhalb von 3-5 Dag naus. Em Auslad send's edwa. 5-7 Dag.
Sonndags ond Feierdags verschiggad mr ned ond dr Boschdlar macht au Wochaend.
Hosch Ardiggl mid ondrschiadlicha Liefrzeida bschdelld, verschiggad miar dui Päggla zamma (sofern mr ned zamma was andrs ausgmachd hend). Dia Liefrzeid dauerd en dem Fall so lang wia der Ardiggl mit dr längschda Liefrzeit den'd Se bschdelld hend.
Wenn Se selbr abhola megat enformiera mr Se middama E-Mail wenn dui Päggla nogrichdad send. En dem Fall missad se koin Paggetzuaschdeller zahla.
2. Zahlungsbedengonga ond Eigendomsvorbehalt
(1) Zum zahla koschd ausschließlich dia em Shop ogebena Zahlongsarda nemma.
(2) PayPal. Beim Bschdella wirsch uff dui Seid vom PayPal weidergleided. Om iabr PayPal zahla zom könna, muasch dort regischriard sei odr de regischdriara lassea. Des hoist, dass de de mid deine Zuagangsdada legidimiera ond dui Zahlongsoweisung an ons beschdädiga muasch. Dodonoch dent mir PayPal zu der Eileidong von dr Zahlongsdransaggtion uffordra. Direkt oschlieasand duat PayPal no dui Dransaggtion. durchfiara.
(3) Bis zur vollschdändiga Zahlung bleibet dui Päggla des Eigadom von dr AMB-ELEKTRIK GmbH. Vorm Eigadomstumsiabergang isch a Verpfändong, Sicherongsiabreignong, Vrarbeidong odr Omgschdaldong isch ohne onsor Zuschdemmong net erlaubt. Sofern se als. Ondernehmr handled, Sofern du als Ondernehmr handlsch, duat sich d’AMB-ELEKTRIK GmbH des Eigendom an de Päggla vor, bis elle Osprüch aus. dr Gschäfdsbeziehong erfilld wora sen.
3. Liefr- ond Versandbedengonga, Gefahraiabrgang
(1) Dr Boschdler liefrd des Päggle an dui von dir ogebene Adress. Des Risiko dass des Päggle saubr bei dir okomma duad ibrnehmed mir. Wend als Ondrnehmer handla duasch goht dui Gfahr vom zufällig Odergang (ned von dr Titanic sondern vom Päggle) ond dr zuafälliga Vrschlächterong dr Ware uff di iabr sobald sich des Päggle em Boschdler iabrgebba worra isch. Dui Liefrzeit von de Ardiggl siasch uff de Broduggdseida.
(2) AMB-ELEKTRIK GmbH duad ned an Paggstationa liefra.
(3) Mir bhaldad ons vor, an Doil von deinr Bschdellong auszomliafra, wenn des schnellr. got. Wenn mr bloas an doil auliefra deant, no koschdat die dr Reschd koine zuasätzliche Dransbordkoschda me.
(4) Du hoschd ons dei richdige Adress geba. Wenn des ned schdemma duat muasch du’s zwoide Mol dr Boschdler zahla.
(5) Machsch du dei Widerrufsrechd en Oschbruch nemsch, muasch au dr Dransbort zo ons end Firma zahla.
(6) Wenn du Odrnehmr bischd, no helfed mir von AMB-ELEKTRIK GmbH mid eller Gwalt, wenn dei Päggle uffm Dransbord verlora goat dui Oschbrich gegaiabrm Schbedider geldet z’macha. Des geldet wenn:
Wenn du Ondernehmer bisch, no muaschd, wenn’s Päggle kaputt isch, dui Della uff Boschdler sei Babier druffschreiba ond des vom Boschdler quiddiera lassa. Des kabutte Päggle muasch uffheba.
Wenn’s Päggle äusserlich en Ordnung isch ond drotzdem enna was fehla duat, musch als Odrnehmr ons des ennerhalb oinr Woch saga, damid an edwaigr Oschbruch geldnd gmacht werra ko.
Megliche Rechde ond Oschbrich von dir, bleibat von dene Ufzehlonga unberührd.