Allgemeine Gschäfdsbedengonga uff schwäbisch
Dui allgmeine Gschäfdsbedengona | AMB-ELEKTRIK GMBH
Omergong: Dui do uffzehlde Gschäftsbedengonga dienad der zuasätzlicha Enformation en onsorm scheana Dialegd ohne oi Rechdsoerkennong. Do drbei deand mr ned neideisch "gendern" sondern schwätzed ella mid „Du" a. Des isch koi Disgreminierong, sondern mir hend oifach koi Luschd uff solche Hennafirz - d’Weldbevelkerong hot andre Broblem zom lösa.
1. Geldongsbereich
(1) Dui Allgemeina Geschäftsbediegongea („AGB“) gelted fiar elle Bschdellonga, dui bei www.amb-elektrik.de, betrieba von dr AMB-ELEKTRIK GmbH, Hechinger Straße 48, 72406 Bisingen (dr „Anbieter“ oder „miar“) verschiggt werdad.
(2) Neba dene AGB gilded fiar dui Erhebong ond Verwendung von personenbezogana Dada onsre Dadaschutzerklärong, dui da ondr www.amb-elektrik.de/datenschutz fenda duasch.
(3) Soweid en dene AGB dui Begriffe des Verbrauchers und dem Ondernehmers verwended werdad, send Verbraucher nadirliche Persona, dui a Rechtsgschäft zo oim Zwegg machad, der weder ihrar gewerblicha noch ihrer selbständiga beruflicha Dätigkoit zuagrechned werda ko. Ondernehmer send nadierliche odr jurischdische Leit oder rechtsfähige Personagsellschafda, dui bei Abschluss vonnama Rechdsgschäfd en Ausiabong ihrer gwerblicha odr selbschdändiga beruflicha Dädigkeit handla deand.
2. Bschdellablauf ond Zschdandakomma von emma Verdrag
(1) Dui Produggddarschdellonga uff onsra Homebadsch solled diar Enformadsiona gebba, bevor da bschdella duasch..
(2) Aus em Pordfolio kennad Broduggde ausgsuachd ond iabr an endschbrechanda Button ogfrogt odr kaufd werda. Dodurch werden die ausgsuachde Broduggde overbendlich enamma viduella Warakörble gsammld. Des Warenkörble ko jederzeid durch Agligga veränderd werda. Wenn da dui Produggde em Warakörble kaufa mechdsch, driggsch uff den Button "Zur Kass". Als neier Konde wirsch jetzatle gfrogd, obde regischdriara willsch. Dodrzua muasch dein Noma ond no a baar andre Dada sage (koi Sorg, dr. Impfschdadus wellad mr ned wissa). Wennda scho a Kondo bei ons hosch, duasch de oifach omelda, no werad deine Dada direggd iabrnomma.
Aldernativ goht au dr Soford-Kauf ohne Regischdrierong iabr Paypal. Dobei demmr voraussetza, dass dord deine korregde Dada henderlegt send.
(3) Durch Ogligga von dem Button 'Jetztedle Kaufa' en onsorm Webshob duasch a verbendliche Bschdellong iabr dei Warakörble macha.
(4) Dr Vrtrag kommd zsamma, wenn dr Kaufbreis inklusive dem Verschigga von de Päggla (Gesamtsumme der Transaktion) durch Paypal zahld isch ond dui Summe uff onsram Paypal-Kondo einganga isch.
(5) Dui Bschdelldada dend mr dir per E-Mail zuschigga. Dui AGB kosch uff onsrer Homepage ogugga. Dui alde Bschdellonga kosch en deim Kundakondo ogugga.
(6) Weider bschdod nadirlich ellaweil dui Meglichkeid, ons drzua no a Ofrag per Delefon oder E-Mail zom schigga.
Uff dei Ofrog freiad mir ons saumässig ond onser Verdriebsteam macht dir a individuellas saggrisch guats Ogebod (sognannd beschrängd ond overbändlich) per E-Mail.
3. Breis ond Vrsandkoschda
Guggsch bei de Vrsand- ond Zahlongsbedengonga (em egschdra Reider)
4. Zahlongsbedengonga ond Eigendomsvorbehald
Guggsch bei de Vrsand- ond Zahlongsbedengonga (em egschdra Reider)
5. Liefr- ond Versandbedengonga, Gefahraiabrgang
Guggsch bei de Vrsand- ond Zahlongsbedengonga (em egschdra Reider)
Widrruafsbelehrong
6. Widrruafsrechd fiar Vrbrauchr
Guggsch bem Widrruafsrechd fiar Vrbrauchr (em egschdra Reider)
7. 30 Dag freiwilligs Riggaberecht
(1) Fiar sämdliche Ardiggl, dui da iabr onser Homepage kaufsch, gebbat mir dir a freiwilligs Riggaberecht ab dem Moment wann’s dr dr Boschdler brocht hot von dreißich Dag. Dadrzua muasch des originalverbaggde Päggle emma gscheida Kardo ennerhalb dreißich Dag. Fiar des Zriggschigga schwätzsch bidde mit onserm Kondadenschd ondr
(2) Wen’d vom freiwilliga Riggabe Gebrauch macht willsch, erschdaddet mir koine Vrsandkoschda.
(3) Fiar Bschdellonga, dia individuell fiar di ogferdigt worra send ond ned em Inlineshop uffgfiard send, gilded des freiwillige Riggaberecht nedda.
(4) Des freiwillige Riggaberecht gilded au neba dene gesetzliche Rechde wia Widrruaf (guggsch beim Bongd 6) ond de Gwährleischdongsrechde (guggsch beim Bongd 8). Dui Rechde werden durch des freiwillige Riggaberecht ned beeidrächdigt ond bleibed dir oeigschrängt erhalda.
8. Gwährleischdong, Garandie
(1) Wenn’s Modorle odr des Zubehör nedda duat, hosch du an Oschbruch auf Nocherfüllong. Als Brivadkonde kosch dir aussucha, ob miar Nochbessra odr Ersatz lieafra dürfet. Dui AMB-ELEKTRIK GmbH isch allerdengs bt berechdigd, dui ausgwählde Nocherfüllong z’verweigra wenn’s bloß mit overschämt hohe Koschda meglich isch Don. Dui andre Möglichkeit dr Nocherfüllpong ohne saumäßig große Nochdoil fiar dia ischd. Gegaiabr Ondernehma leischded dui AMB-ELEKTRIK GmbH fiar Mängel noch eigner Wahl Gwähr durch Nachbesserung odr Ersatzlieferong.
(2) Mir hafded fiar Murks em Madrial endschbrechend de geldende Vorschrifda, ensbsondere § 434 ff. BGB. Gegaiabr Ondrnehma isch dui Gwährleischdongsbflicht 12 Monad odr a ganz Johr. Mid dene Frischda verbondene Vrjährongserleichderonga geldad nedda, wenn’d AMB-ELEKTRIK GmbH aus andere Rechsgründ hafta duat odr deas Rechd an an Dridda ganga däd, der dui Dengar fiar sich beosprucha kend.
(3) Fiar Konda, dui wo Kaufmännr send, gilded dui Odersusachongs- ond Rügebflichd en de Grenza vom § 377 HGB Abs. 1 und 3 HGB; dr Konde duad en dem Fall als Erfüllungsghilf (§ 278 BGB) von dr AMB-ELEKTRIK GmbH dui Wara ondrsucha ond melda. Dui uffzelde Regla gelded nedda fiar Vrbrauchor.
9. Hafdong
(1) Ellas was an Schadansersatzoschbrich deiror isch als dui Gwährleischdong isch grundsätzlich ausgschlossa. Dovo ausgnomma sen Oschbrich von diar, dui aus’ra Vrletzong vom Leba, vom Körbr, dr Gsondheit odr aus dr Vrletzong von de wesendliche Vrdragspflichda (dui nennd mr au Kardinalsbflichda) ond dui Hafdong fiar sonschdige Schäda, dui uff’ra vorsädslicha odr grob fahrlässiga Bflichtverletzong durch d’AMB-ELEKTRIK GmbH, ihrne gsedzliche Vrtretr odr Midarbeitr vom Team kommad. Odr wesendliche Vrtagsbflichda sen solche, dui wo mr erfilla muas om des Ziel vom Vrdrag zum erreicha.
(2) Bei dr Vrletzong von de wesendliche Vrtragsbflichta hafta miar bloß fiar dui vrdragsdippische, vorhersehbare Schäda, wen der oifach aus Dommheit gmachd worra isch, auss’ra Vrletzong vom Leba, vom Körbr, dr Gsondheit.
(3) Dui Eischrängunga vom Absätzle Oins ond Zwoi gelded au zugonschda von de gsetzliche Vrdredr ond Midarbeidr vom Team, wenn dui Oschbrich diregt gega ons geldnd gmacht werrad.
(4) S’ko sei, dass’es ohne a Schuld von AMB-ELEKTRIK odr durch an Bardner durch ned beeiflussbare Fagdora (mr secht drzua au höhere Gwald, zum Beisbiel s’Weddr odr des sch… Corona) em Oinzlfall zu längere Liefrzeida Komma ko. Sobald mir dovo erfahret, dend miar di informiera.
Haftung fiar an endgangena Gwenn, ned vorhersehbare Schäda odr Mangelfolgeschäda isch ausgschlossa.
(5) Dui Vorschrifda vom Brodugthaftongsgsetz bleibad oberührt.
(6) Dui Haftongsregelungen dui dovor uffzehld worra sen gelded auch fiar a persönliche Haftong von onsre Chefs, Midarbeidr ond Midarbeidr vom Team von dr AMB-ELEKTRIK GmbH.
10. Sonschdiges
(1) Miar schaffed noch’em Rechd von dr Bondesrebublig Deitschland ond des UN-Kaufrechd isch ausgschlossa.
(2) Dr Vrdragsschluss isch en deitsch meglich (wenn da wilsch au uff schwäbisch).
(3) Sofern sich’s bei dir om an Kauffmo, a jurisdische Berson vom effendlicha Rechd odr om a effendlich-rechdlich’s Sondrvrmega handla duat, isch d’r Ord wo mr ons schdreidat dr Ord vom Sitz von dr AMB-ELEKTRIK GmbH.
(4) Dr Vrdrag isch au no gildich, wenn oinzlne Schdella owirgsam send. Anschdelle der owirgsama Stella gilded no’s G’setz. Wenn des allerdengs fiar oi Vrdragsbardei granadamässich schwierig werda dät, isch der Vrdrag em Ganz ogildich.
(5) Enformadiona zua dr Online-Schdreidbeilegung: dui Eirobäische Kommission schdellt a Bladdform zuar Online-Schdreidbeilegung (OS) bereit. Dui fendasch ondr https://ec.europa.eu/consumers/odr/ (allerdengs ned uff schwäbisch). Weil mir ned vrbflichdad send zom Midmacha am Online-Schdreidbeilegungsverfahren deand mir des au nedda. Miar send sichr, dass miar fiar elle Thema zamma mid onsre Konda emmr a subr Lösong fenda dend. Bide schwätz mid ons ondr https://www.amb-elektrik.de ond miar melded uns glei bei diar.
MUSCHDR-WIDRRUAFSFORMULARLE
Wend des Vrdrägle widrruafa mechdsch, no duasch des Formular ausfilla ond an ons zriggschigga.
Des Formula fendasch ondr:
www.amb-elektrik.de/widerrufsformular
Dui Ausfiahrong AGB’la gild ab’em 01.12.2021.