AMB Fräsmodorle1050 FME-1 230V (fiar Schdandard Schbannzanga)
Oniversalmodorle fiar (faschd) elle Owendonga
Isch em Lager. S’ Päggle geht naus mid ra Liefrzeid von 1-3 Wergdäg
inkl. MwSt. zzgl. Vrsandkoschda
Abhängig von dr Liefradress ko die Mehrwerdschdeier an dr Kass variiera.
- Ardigl-Nommr: 06082206
- EAN-Nr.: 4251610700255
Leischdongsstarges Oniversalmodorle mit 1050 Wättla - exdrem schdabil ond obdimiert. fiar an haufa Eisatzmeglichkeida: zor Uffnohm in z.B.: Oberfräsa, Fräsvorrichdonga, Bohrschdänder, Onwendungen mid'ra biegsoma Wella... Saumäßig guad bass des Modorle au uff a Bordalfräs odr am'ma CNC-Rouder od jede Ard von Sondrowendonga. Schee schlange, ond leichde Bauform zom obdimala Halda. S'hod an Edelschdahl Modorflansch mit'ra Dobbllagerong - domit kosch saumäßig schdarg fräsa. Nomacha duasch des Modorle an dem Ø 43 Millimedor, sog. „Eurobund“. Zom wechsla vom Fräser duasch oifach uff's Knepfle von dr' Schbendl druffdrugga ond no kosch mid'ma Gablschlissel dui Schpannzang uffmacha. Dui Vollwellaelegdronig sorgt fiar a gleiche Drehzahl au wenn's a mol recht zuagoht. Dass da dei Drehzahl vorwähla kosch ond an Sanfdolauf isch fiar AMB selbschdverschdendlich. Des Modorle isch schutzisoliert ond biaded maximale Sicherheid gega eißre Einflüss. An elegdronischr Thermo-Schutz sorgd dafiar, dass des Modorle nedda iabrhitza duat. Dui Elegdronig isch kombledd vrgossa - do kommd koin Schdaub nei. Em Vrgleich dodazua deand a hauffa Weddbewerbr ihr Elegdronik nedda vrgiassa - des isch dene z'deier, abr do derf mr ned schbara. Mir verwended original Kohlebiarschda, die ein Deitschland g'machd werrad ond a indegrierde Abschaldong hend. Dodamid wird verhendard, dass dr Kollegdor kabutt gohd, wenn'd Kohla honda send. Uff dr' Obrseid von der Kohle isch a Silikonkissale ondr dr' Obressfedr. Dodurch kennad koine Vibradiona zwische dr Kohla ond dem Obressfedrle. Dui Schbannzanga-Uffnohm endschbricht dr' Original Uffnohm vom Kress fiar Schdandard-Schbannzanga. Dui Schbanzanga kosch au fiar dr andre Modorla eisetza. Mid bloss 1,7 Kilo isch des Modorle saumäßich leichd. A. schee schlang's Modorle brauchd ganz wenig Blatz beim Eibau ond liagd guad en dr Hand. Des Schnellwechsl-Kabl kosch diregd am Modorle wechsla ond griagsch bis zu'r Länge von 7,5 m. Des original Kress-Netzkablmodul isch emmr no technisch o-erreichd. Dodamid kosch' Kabl diregd am Modorle wechsla.
kommentar
| Aufnahmeleistung: | 1050 | Watt |
| Drehzahl: | NULL | 1/min |
| Befestigung am Portal: | Schbannhälsle 43 Millimedr | mm |
| Spannzange: | Standard-8 | mm |
| Gewicht: | 1,7 | kg |
| Netzanschluss: | Netzkabelmodul 4 | m |
Fräsmodorle, Schdandard Schbannzanga, Ibrwurfmuddr, Onleidong, Netzkablmodul 4 Medr, Rondlaufbriafzerdifikad.
