AMB Fräsmodorle 1400 FME-P DI 230V (fiar ER20 Bräzisions-Schbannzanga)

Des isch a granada Doil.  ER20 Schbannzangansyschdem fiar Fräserschäfd bis 12mm (1/2"). Schdärgschdes Oniversalmodorle seiner Ard mid bloss 1,8 Kilogramm G'samtgwichd bei 1400 Wättla Uffnahmeleischdung. Des hoisd faschd 40 Brozend Mehrleischdog gegaiabr de 1000 Watt Modorla.  Des "DI" schtohd fira driegde Schdeiermöglichkoit iabr dein Condrolr. Dort kosch diregt dei Drehzahl vorwähla dui da fiar die Fräsbrogrämmle brauchsch ond's Modorle erschd eischalda, wennd's au brauchsch. Dodurch wird dr Grach reduziert, dui Eischalddauer ko reduziert werra ond deine Kohla hebat viel längr. S'hod an Edelschdahl Modorflansch mit'ra Dobbllagerong - domit kosch saumäßig schdarg fräsa. Nomacha duasch des Modorle an dem Ø 43 Millimedor, sog. „Eurobund“. Zom wechsla vom Fräser duasch oifach uff's Knepfle von dr' Schbendl druffdrugga ond no kosch mid'ma Gablschlissel dui Schpannzang uffmacha. usätzlich sind die Lager mit hochwertigen Zuasätzliche Dichdonga ond a ER20 Induschdriespannzangasyschdem sorgad fiar a nomol bessre Langlebigkoid ond bessra Rondlauf. Modorle, Lagerong ond Dichdonga send au fiar an längerer Eisatz gmachd. Dui Vollwellaelegdronig sorgd fiar a gleiche Drehzahl au wenn's a mol recht zuagoht. Des Modorle isch schutzisoliert ond biaded maximale Sicherheid gega eißre Einflüss. An elegdronischr Thermo-Schutz sorgd dafiar, dass des Modorle nedda iabrhitza duat. Dui Elegdronig isch kombledd vrgossa - do kommd koin Schdaub nei. Em Vrgleich dodazua deand a hauffa Weddbewerbr ihr Elegdronik nedda vrgiassa - des isch dene z'deier, abr do derf mr ned schbara. Mir verwended original Kohlebiarschda, die ein Deitschland g'machd werrad ond a indegrierde Abschaldong hend. Dodamid wird verhendard, dass dr Kollegdor kabutt gohd, wenn'd Kohla honda send. Uff dr' Obrseid von der Kohle isch a Silikonkissale ondr dr' Obressfedr. Dodurch kennad koine Vibradiona zwische dr Kohla ond dem Obressfedrle. Dui Schbannzanga-Uffnohm endschbricht dr' Original Uffnohm vom Kress fiar Schdandard-Schbannzanga. Dui Schbanzanga kosch au fiar dr andre Modorla eisetza. Mid bloss 1,8 Kilo isch des Modorle saumäßich leichd. A schee schlang's Modorle brauchd ganz wenig Blatz beim Eibau ond liagd guad en dr Hand. Des Schnellwechsl-Kabl kosch diregd am Modorle wechsla ond griagsch bis zu'r Länge von 7,5 m. Des original Kress-Netzkablmodul isch emmr no technisch o-erreichd. Dodamid kosch' Kabl diregd am Modorle wechsla.